Suplemen bimbingen kotbah Pdt. JEFRI PA untuk minggu tgl 10 Januari 2016

Invocatio Joh 1 ay 26-27
Ogen Masmur 29 ay 1-11
Kotb Lukas 3 ay 15-17, 21-22
Tema : Jesus sinehken peraten Dibata

I. Penaruh
Lit sada lagu karo si judulna hancur hancuren. Lagu ena ngambarken sada perjuangen guna banci ndatken ukur si aten ngena. Segala macam cara ilakokenna, ngeraih, las wari pe igengken guna banci ndatken ukur si atena gena. Mungkin lagu enda pe banci ngambarken kerna perjuangen Dibata guna nelamatken manusia. Kai pe idapanken Dibata guna nelamatken anak kekelengenna si nggo lalar. Kerehen Yesus jadi tampuk strategi Dibata guna  nehken sura-sura Dibata.

II. Pembagesi isi teks
Bahan khotbahta emekap bagin ibas khotbah Yohanes peridin si mpersingeti kerna kerehen mesias ras uga ersikap ngalo ngalo kerehen Mesias. Tertarik kalak sinterem simbegiken khotbah e. Sebab bangsa Israel paksana bas jajahen bangsa Romawi. Emaka metedeh kep ateNa rehna penampat. Tapi kepeken pemahamen si ibereken Johanes ras siniharapken kalak sinterem la seri. Emaka ibas penutup khotbahna ituriken Johanes me ise kin Yesus e.

Sipemena igambarken Yesus e belinen asa Yohanes. Tentu enda sada pengakun kerna ise kin Yesus. Yohanes saja e nggom belin kel iakap kalak Israel, tapi Yesus belinen asa Yohanes. Enda sada pengakun si mbages. Megati manusia ibas kelebihen bagepe kekurangen si lit bas ia lupa ia lit si belinen asa ia.
Sipeduaken igambarken Yohanes kerna dahin Yesus. Yesus reh guna mpeseh sura-sura Dibata. Dibata ateNa nelamatken manusia. Emaka Yesus perlebe nelamatken manusia. Lebih asa si de dahin Yesus emekap miari (memisahkan) kalak si bujur ras si la bujur kegeluhenNa. Tentu enda gambaren sura-sura Dibata ibas wari pendungi. Ate Dibata min kerina manusia terkelin. Tapi biak manusia si megati nogan menjadi tantangen bas ngaloken keselamaten e.



Ibas pendungi bahannta kenca Yesus iperidiken rempet ngeran Dibata. Piga-piga penafsir alkitab ngataken bas peristiwa enda salah sada bukti trinitas lit teridah. Perkataan Dibata nuriken alu tangkas bahwa Yesus me anak Dibata si mpeseh dingen ndalanken sura-sura Dibata. Tangkas me bahwa arah perkataan enda maka Yesus e tuhu-tuhu me kap Dibata. Emaka kalak si atena terkelin harus ibegiken dingen iikutkenna Yesus.

III. Pengkenaina
Minggu enda emekap minggu efifanias si pemena. Kata efifanias ibuat arah bahasa Yunani siertina encidahken ataupe manifestasi (perwujudan). Dibat nggo ncidahken dirina arah Yesus. Emaka adi ninta tek man Dibata berarti pe tek kita man Yesus. Yesus me jadi alat Dibata mpeseh sura-suraNa man doni enda.
Tanda kinitekenta man Yesus teridah arah uga kita ngaloken dingen dalanken pedah Dibat si nibelaskenNa arah Yesus. Ergasupna kita ndalanken pedah Dibata maka ermetunggungna me kita ngaloken sura-sura Dibata.

Bujur, Selamat Melayani.